ПРЕДИЗВИЦИТЕ НА НОВИОТ ПРИСТАП ВО УРЕДУВАЊЕТО НА ТРГОВСКИТЕ МАРКИ ВО ЕВРОПСКАТА УНИЈА

Abstract

Во трудот авторката ги анализира новините во правото на трговска марка на ниво на Европската унија и каков ефект тие може да имаат врз националното законодавство. Во воведот на трудот авторката прави преглед на развојот на правото на трговска марка на ниво на ЕУ во последната декада, осврнувајќи се на причините за реформата и очекувањата од неа. Во првиот дел на трудот се разгледува (ново) поставениот поим на трговска марка, при што особено внимание се обрнува на новиот концепт на графичко претставување. Во вториот дел на трудот предмет на анализа се апсолутните и релативните причини за одбивање заштита на трговска марка и кои се новините коишто за националното законодавство би произлегле од имплементацијата на Директивата за трговски марки од 2015 година. Последниот дел на трудот се осврнува на новите права на носителот на трговската марка воведени со директивата. Во заклучокот авторката истакнува кои мерки треба да се преземат не само за усогласување на националното законодавство, туку и за негово целосно спроведување.