За употребата на минатото определено и минатото неопределено време во преводот на делото „Хроника на една најавена смрт“

Abstract

Во овој труд се осрнуваме на начинот на изразување на евиденцијалноста и можностите за превод на минатите времиња од шпански на македонски јазик, преку примери од преводот на македонски јазик на „Хроника на една најавена смрт“ од Габриел Гарсија Маркес. Најпрво се задржуваме на некои основни употреби на минатото определено и минатото неопределено време и на начините на предавање засведочени или прекажување незасведочени дејства во македонскиот јазик, што во случајот со делото на Маркес се од особена важност, а потоа укажуваме и на други модални употреби, како и на различните толкувања што може да произлезат од изборот на одредено минато време во јазикот-цел.