Формите на генитив сингулар од имиња со тематска деклинација на натписи од Линкестида, Пелагонија, Дериоп и Лихнид

Abstract

Предмет на истражување во овој труд се формите на генитив сингулар од имиња со тематска деклинација на натписите од Линкестида, Пелагонија, Дериоп и Лихнид. Анализата, која што беше направена на корпусот натписи објавени во изданието Inscriptiones Graecae X.2.2, покажа дека вообичаено овие форми завршуваат на -ου, но сепак се среќаваат и мал број примери на -οιο. Имајќи предвид дека формите на -οιο се јавуваат на доцнежни натписи од 2, 3 в. н.е. и од друга страна имајќи го предвид фактот дека завршокот -οιο е поархаичен од завршокот -ου се поставува прашањето, на што се должи појавата на ваквите форми. Направеното истражување упатува на тоа дека компаративната морфолошка и семантичка анализа на формите на -οιο и формите на -ου може да даде релевантни податоци во однос на ова прашање.