Фолклористички интерпретации за народностите во социјализмот – со посебен осврт на албанската народност

Abstract

Анализата на фолклористичките интерпретации за народностите во социјалистичкиот период, објавувани во списанието „Македонски фолклор“ од 1968 до 1991 година, овозможуваат увид во етаблирањето и еволуцијата на овие дисциплини во Република Македонија по едно важно прашање како што е третманот на „другите“ заедници во рамките на државата. Токму ова прашање ја илустрира врската меѓу науката и политичката идеологија во анализираниот период, по однос на идеолошки соодветните интерпретации, особено за народното творештво на албанската народност кои треба да го отсликуваат југословенското братство и единство. Оваа позиција е целосно спротивна на третманот на народното творештво на македонскиот народ кое се анализира исклучиво во Хердеров манир, како особено важен фактор за македонската национална посебност.