Преваленција и причини за оштетување на видот кај децата
Date Issued
2019
Author(s)
Тасевска, Даниела
Abstract
Генерално, причини за оштетување на видот се: некоригирани аномалии на рефракцијата, страбизам, воспалителни и дегенеративни болести на окото, повреди на окото и болести на очниот нерв. Целта на истражувањето е да се одреди преваленцијата и причините за оштетување на видот кај децата на возраст од 0 до 18 години коишто се прегледани на Одделот за офталмологија во Градска општа болница 8-ми Септември, Скопје, во периодот од 1.10.2013 до 30.9.2018 година. Ги анализиравме специјалистичките извештаи за офталмолошките прегледи на децата со оштетување на видот. За статистичка обработка на податоците ги користевме Хи-квадрат тестот и т-тестот со ниво на значајност од p<0,05. Вкупниот број на деца со оштетување на видот е 829, 373 машки (45%) и 456 женски (55%). Во однос на причината за оштетување на видот, 353 деца (42,6%) имале рефракциона аномалија, 171 дете (20,6%) имало воспалителен процес на окото, 82 деца (9,9%) имале страбизам, 50 деца (6%) имале повреда на окото, 44 деца (5,3%) имале дегенеративна болест на окото, 43 деца (5,2%) имале заболување на ретината, 15 деца (1,8%) имале амблиопија, 34 деца (4,1%) имале компјутерски визуелен синдром, 18 деца (2,2%) имале оштетување на видот од други болести кои влијаат на видот: системски, ендокрини заболувања, Сика синдром и слепило за бои, 14 деца (1,7%) имале заболување на очниот нерв и пет деца (0,6%) имале нистагмус. Најчеста причина за оштетување на видот е рефракционата аномалија. Најчеста рефракциона аномалија е астигматизмот. Најчест воспалителен процес е конјунктивитисот. Најголем број на деца со страбизам имаат конвергентен страбизам. Најчести повреди на окото се физичките повреди. Најчесто дегенеративно заболување на окото е глаукомот.
Subjects
File(s)![Thumbnail Image]()
Loading...
Name
dtasevska2019.pdf
Size
2.55 MB
Format
Adobe PDF
Checksum
(MD5):43a7dd5f84d3bf9a0b337c0dab4abf4f