Современи пристапи во процесот на поучување на учениците со посебни образовни потреби

Abstract

Еден од позначајните аспекти на мисијата на основното образование ce однесува на образование кое ги почитува и развива индивидуалните потреби, интереси и афинитети на личноста. Во тој контекст ce интегрираат учеииците со различни образовни потреби и проблеми. Во Република Македонија во редовната наставна практика во основното образование ce забелележува вклученост на оваа категорија на ученици. За таа цел наставата претпоставува организирање и примена на соодветни современи пристапи во процесот на поучување. Процесот на инклузивно образование ги третира проблемите на иницијалното образование на наставниците и развивање на нивните стручни компетенции за работа со ученици кои имаат специфични образовни потреби. Од друга страна, образовната инклузија, односно степепот на нејзината наставна развиеност и формите на нејзино практикување претставуваат значаен индикатор за овозможување на секој поединец да му ce даде можност за образование, користејќи при тоа најразновидна методологија, инструменти и форми во процесот на поучување, прилагодени на конкретните услови и потреби. Поучувањето на популацијата. со посебни образовни потреби е посебен педагошки предизвик. За таа цел постои потреба од оптимално развивање на наставните услови и „методичката апаратура“ во функција на обезбедување нa продуктивност и остварување на оптимални образовни стандарди. ИСТРАЖУВАЧКИ ПРОБЛЕМ. Проблемот при истражувањето е насочен во испитувањето на образовните потреби на наставниците од првиот образовен циклус во основното образование за поучување на учениците кои имаат посебни образовни потреби. ОЧЕКУВАНИ РЕЗУЛТАТИ. Наставниците имаат потреба од стручна поддршка во изработувањето на индивидуализираните курикулуми за работа со ученици кои имаат посебни образовни потреби. Наставниците имаат потреба од асистенти во процесот на поучување на учениците кои имаат посебни образовни потреби. Наставниците имаат развиени дидактички компетенции за примена на современи и разновидни наставни техники и наставни методи во реализацијата на наставата со ученици кои имаат различни образовни потреби. ТЕХНИКИ НА ИСТРАЖУВАЊЕ. Анкетирање, анализа на педагошка документација. Процесот на поучувањето ќе биде ефективен доколку истиот го остварува наставник со развиени стручни и дидактички компетенции за подготовка на индивидуализирани курикулуми според образовните потреби на ученикот, со активна вклученост на семејството/старателот, релевантните стручни лица од областа и стручните училишни тимови.