Влијанието на Версајскиот договор на Балканот

Abstract

Трудот ги анализира резултатите од периодот на Првата светска војна. Очигледно е дека овие состојби влијаеле на промените на Југозападниот дел од Балкан- скиот Полуостров, воедно предизвикувајќи ги интересите на Турција, Италија, Грција и Бугарија. Како пример, со договорот од Севр беше очекувано дека Источна Тракија и реги- онот на Смирна би се инкорпорирале во територијалното проширување на Грција, на што остро се спротивстави револуцијата предводена од Кемал Ататурк. Тоа беа при- чините за почетокот на грчко-турската војна која што започна во март 1921 година. Што се однесува до Бугарија со Нејскиот договор Западна Тракија беше одвоена од неа и ѝ беше дадена на Грција. Единствената добивка за Бугарија, како поразена страна во војната, беше гарантираниот излез на Егејското Море. Самиот чин на потпишување- то на Париските мировни договори за Балканските прилики неспорно имаа две значења. Првото беше содржано во фактот дека со нив беше реализирана поделбата на Отоман- ските и на Австро-Унгарските поседи на Балканскиот Полуостров. Второто значење беше тоа што со Париските мировни договори се случи ревизија на Букурешкиот миро- вен договор од 1913 година и со тие одлуки со кои балканските држави се стекнаа со те- риторијални добивки и со овие акти беа зацементирани на подолг временски период.