Успешно привремено екстерно стимулирање на срцевата акција кај болен со ексцесивна хиперкалемија

Abstract

Прикажан e случај (A.P. на возраст од 35 години, телесна тежина 73,5 kg.) со diabetes mellitus (ДМ), инсулино-зависен, со компликации на повеќе системи (дијабетична нефропатија и ретинопатија, хронична бубрежна инсуфициенција, метаболна ацидоза, екцесивна хиперкалемија). Промените на бубрезите, заедно со атеросклерозата и коронарната болест, се водечка причина за смртноста кај болните со ДМ. Се работи за прв случај во нашата интензивна нефролошка прктика на хиперкалемиски синусен арест, кој беше успешно лекуван со поставување привремен „pace maker “до нормализирање на срцевата спонтана ексцитабилност и воспоставување регуларен синусен ритам. Според нашите сознанија, ова е прв случаj во медицинската практика каде што, со привремено екстракардијално стимулираше на срцевата контрактибилност, е овозможено повторно воспоставување на срцевиот автоматизам. Ургентната хемодијализа (ХД) ja препорачуваме како средство на избор во лекувањето на овој вид синусен арест и малигна брадикардија. Привременото екстракорпорално водење на срцевата акција (привремен „pace maker“) овозможува одржување на системската хемодинамика до нормализирање на внатрешното „milier“ и целосно воспоставување на срцевата глобална функција.