РАДИЈАЦИОНА РЕТИНОПАТИЈА РЕЗУЛТАТ НА ПРОТОНСКА РАДИОТЕРАПИЈА КАЈ МАЛИГЕН МЕЛАНОМ НА ХОРОИДЕА

Abstract

Радијационата ретинопатија е бавно прогресивна микроангиопатија, компликација по изложеност на било кој извор на зрачење во терапијата на интраокуларните тумори. Васкулопатијата на макуларното ткиво еволуира од васкуларна некомпетентност (макуларен едем, крварење и ексудати) до облитеративен ендартеритис (исхемија) со секундарна неоваскуларизација, крварење во стаклестото тело и преретинална фиброза. Тумори зад екваторот, околу макулата, поголеми туморски формации, и повисоката вкупна доза на зрачење го зголемуваат ризикот од радијациона ретинопатија. Фракционирањето, дизајнот на третманот, видот и стапката на администрација на радијација треба да се земат во предвид. Секако експресијата на заболувањето може да има раазлични клинички варијации, зависно од возраста и окуларниот наод кај заболениот. Супресијата на пост зрачната ретинопатија може да се постигне со периодична интравитреална анти-VEGF апликации, во комбиниран третман со фокалната ласерфотокоагулација. Цел на трудот е преку приказ на случаи да се презентира радијационата ретинопатија како компликација од протонската радиотерапија, во третман на малиген меланом на хороидеа.