Положба и функции на националните парламенти во Европската унија - Препораки за евроинтеграција на Собранието на Република Македонија

Abstract

Трудот претставува анализа на положбата и функциите на националните парламенти во политичкиот систем на ЕУ, особено во контекст на новитетите на Лисабонскиот договор од 2009 година , и нивните импликации за евроинтеграциските реформи на Собранието на Република Македонија. Изложени се сите клучни новитети од конститутивните договори на ЕУ, уставно‐правните, законските и внатрепарламентарни реформи во државите - членки. Преку анализа на случај, се идентификува степенот на усогласеност на парламентарните евроинтеграциски реформи во Република Македонија со ваквите трендови во ЕУ, се констатираат слабостите и се даваат конкретни препораки за идни реформи. Целта е обезбедување целосна подготвеност на Собранието на РМ за преземање на улогата на национален парламент во ЕУ, но и заради идно засметување на растечката моќ и влијание на националните парламенти во ЕУ во севкупната евроинтеграциска стратегија на земјата.