Геодетски деформациски мерења на индустриски конструкции

Abstract

Потребата од геодетските деформациски мерења за определување деформации на конструкции сместени во индустриски капацитети е голем предизвик за секое геодетско стручно лице. Самата специфичност во изведувањето на ваков тип мерења е поврзана со посебните услови за изведување на истите, како и од потребата за обезбедување висока точност во определувањето на деформациите од конструкциите. Со овој труд, членовите на Катедрата за виша геодезија при Градежниот факултет во Скопје, сакаат да ја покажат универзалноста на геодетските деформациски мерења и конкретната примена во определувањето на деформации на валачкиот стан кој претставува индустриска постројка со посебно значење за производствените капацитети на „Макстил” АД - Скопје.