Маркетинг во мултикултурни општества: разбирање и промовирање семејна разновидност

Abstract

Развојот на современите општества, како и процесите на урбанизација, глобализација и индустријализација, значително ја сменија семејната и општествената структура. Истовремено, сликата на семејствата која се промовира во медиумите се прилагодува постојано на новите предизвици. Така, вообичаената претстава на радосно нуклеарно семејство од белата раса, прикажано во рекламите на западните брендови е заменета со поразновидно и реално застапување на современите семејства и општества. Предмет на анализа на овој труд е начинот на прикажување на семејствата и различностите во западните медиуми во минатото и денес. Истражувањето ќе опфати, но нема да се ограничи на расна, социјална, религиска и јазична различност. Исто така, трудот ќе ги истражи и анализира кампањите на неколку познати брендови во современите мултикултурни општества. Дополнително, трудот ќе ги прикаже состојбите во современото македонско општество, како и застапеноста на семејната разновидност во медиумите во споредба со актуелните светски трендови. Фокусот ќе биде осврнат кон најпопуларните реклами и брендови кои го пресликале мултикултурниот карактер на државата од нејзината независнот во 1991 година до денес.