Симболичкиот универзум на Ефтим Клетников

Abstract

Во текстот се анализира поезијата на Ефтим Клетников од гледна точка на присутните симболи и симолички корелати, преку истакнување на дел од неговите поетски збирки и поетски достигнувања. Значенското богатство на симболите во поезијата на Клетников се должи првенствено на неговите сознанија коишто ги преточува во нив, вешто варирајќи концепти од различни културни традиции. Клетников е во еден вид романтичарска потрага по изворното, оригиналното, идејното, која се исчитува и во потрагата по совршениот збор, којшто би ја открил тајната на постоењето. За Клетников, поетот е пророк, односно предводник на човештвото, кој е обврзан да го буди човекот од мракот на незнаењето. Во таа смисла, тој се претставува и како вешт толкувач на скриените значења, откривајќи ја мистичната врска на сите нешта во светот. Неговата поезија е сведоштво за еден нов тип хуманизам, во чијшто центар се наоѓа човекот како спознавачко и креативно битие кое ги исцртува насоките на развојот на човештвото.