Традиционалното и модерното во поетската визија на Блаже Конески

Abstract

Текстот се занимава со истражувањето на релацијата на традиционалното и модерното, кои Конески подоцна аналитично ги разгледува во своите есеи, преку неговата збирка Песни од 1953 година. Во фокусот се поставени поетските средби на Конески со авторите/творбите од претходните епохи, што дополнително сведочи за неговата поетска постапка од ова време, која критиката ја определува како прв чекор кон модерните тенденции. Во суштина, трудот се осврнува кон истражувањето на екплицитните и на имплицитните интертекстуални релации, кои фрлаат светлина врз природата на зародениот модернизам во македонската литература, како редистрибуирање на идеолошките концепти и на идеологемите. Истовремено, тој е и обид повторно да се промисли едноставно сфатената релација меѓу традиционалното и модерното, во врска со Борхесовиот концепт за создавањето на сопствените претходници.