„За македонцките работи“ од Крсте Мисирков низ призмата на публицистиката

Abstract

Текстот се занимава со актуелноста и со значењето на делото „За македонцките работи“ од Мисирков во контекст на неговата публицистичка дејност, првенствено во списанијата „Македонски глас“ и „Вардар“. Истражувајќи ги согледувањата на Мисирков во однос на политичката и општествената поставеност на Македонија во новите услови, на почетокот на 20 век, текстот се осврнува кон прашањата за значењето на националниот сепаратизам како единствено можна динамика во тогашниот развој на македонската држава, на преуранетото Илинденско востание и на примарноста на централното македонско наречје како основа на идниот кодифициран македонски јазик. Тие се проследуваат низ публицистиката во периодот кој претходи на објавувањето на делото „За македонцките работи“, но и во годините кои следат.