ВЛОШУВАЊЕ НА ПОСТОЕЧКИ И РАЗВОЈ НА НОВОДИЈАГНОСТИЦИРАН ДИЈАБЕТЕС МЕЛИТУС ТИП 2 КАЈ ПАЦИЕНТИ СО САРС-КОВ-19 ИНФЕКЦИЈА

Abstract

Вовед: САРС коронавирус-2 (SARS-CoV-2) е предизвикувач на коронавирусна болест (COVID-19). Дијабетес Мелитус тип 2(Т2ДМ) е еден од најчестите коморбидитети кај пациентите со COVID-19, со преваленца помеѓу 7-30%. Пациентите со Т2ДМ инфицирани со САРС-КоВ-2 имаат повисока стапка на хоспитализација и поголема смртност во споредба со пациентите без дијабет. Не се познати точните механизми за појава на дијабетес кај пациентите со СОВИД-19. Претходно недијагностициран дијабетес, стрес хипергликемија, хипергликемија индуцирана од стероиди, ефектот на SARS-CoV-2 врз β-клетките може да бидат причина за развој на дијабет во тек на COVID 19. Цел: Да се прикаже влошувањето на гликорегулацијата и зголемување на бројот на новодијагностициран Т2ДМ кај пациенти со COVID 19. Материјал и методи: Ретроспективно беа анализирани 203 пациенти, хоспитализирани во Модуларна болница-Клиника за Инфективни заболувања-Скопје, во периодот од декември 2020-мај 2021 година. Преегзистирачки Т2ДМ беше дефиниран врз основа на анамнезата, медицинската евиденција и тековна антидијабетична терапија. Новодијагностициран Т2ДМ, дијагностициран со HbA1c>6,5%; fasting гликемија >7,0mmol/l или рандом гликемија >11,1mmol/l. Резултати: Од вкупно 203 пациенти, кај 65(32,0%) е потврден Т2ДМ. Новодијагностициран дијабетес бил откриен кај 18(28%), а 49(75%) пациенти биле со претходно дијагностициран дијабетес. Смртоносен исход имало кај 16 (25%) од сите пациенти со T2DM. Заклучок: COVID-19 е поврзан со влошување на преегзистирачкиот и појава на новодијагностициран T2DM. Потребно е рано идентификување и третирање на дијабетот, со цел подобрување на исходот на болеста.