Продлабочување на Внатрешниот пазар преку хармонизација на законодавството на ЕУ

Abstract

Внатрешниот пазар претставува пазар на кој 500 милиони жители на Европа можат слободно да тргуваат со стоки, услуги и капитал, како и слободно да се движат во рамките на Унијата. Освен отстранувањето на физичките и на фискалните бариери, најголем предизвик за обезбезбедување на четирите слободи е отстранувањето на техничките бариери. Текстот го анализира функционирањето на внатрешниот пазар преку процесот на хармонизација на законодавството, што го вклучува процесот на европската стандардизација и принципот на заемно признавање. Ваквиот ,,нов“ пристап на хармонизаицја довел до значително намалување на техничките бариери, што претставува успех за функционирањето на внатрешниот пазар. Сепак, потребно е понатамошно негово продлабочување, со цел да се искористи неговиот потенцијал. Оттука, создавањето на внатрешниот пазар не завршило во 1992 година, туку постои континуиран процес на дополнување на законодавството што се однесува на различни аспекти на внатрешниот пазар.