Филозофијата во образованието

Abstract

Предметните програми во средните училишта се документи во кои се дефинираат корпусот знаења кои учениците треба да ги научат, вештините и компетенциите со кои треба да се стекнат, вредностите кои треба да ги усвојат и начинот на кој треба да се спроведе наставата по еден предмет. Од исклучително значење за успешно спроведување на целите на наставата на еден предмет е постоење на добро осмислени предметни програми кои ќе го следат современиот развој на генеричката дисциплина од која произлегуваат, но и ќе го имаат предвид контекстот во кој се спроведуваат. Во таа смисла, предметните програми треба да бидат постојано теориски и практично надгра-дувани, особено за предметите чиј досег ги надминува чисто познавателните цели и има далекосежни општествени и личносни импликации.