Заштитата на животната средина и меѓународната политика

Abstract

Денес живееме во еден комплексен меѓународен систем во кој државата не може да биде ниту затворена, ниту самодоволна. Во денешното глобализирано меѓународно општество, ниту една држава не е изолиран остров кој има непробојни граници, особено ако се земе предвид степенот на меѓузависност на меѓународната сцена. Живееме во ера на зголемен раст на населението, засилен економски и општествен развој, како и зголемена употреба на природните ресурси, каде климатските промени и процесот на урбанизација се надворешни двигатели на светот. Со достапноста на образованието, свеста за другите култури, заедно со зголемувањето на бројот на национални и меѓународни форуми во кои треба да се одбранат своите идеи и практики, многу е тешко да се оправда загадувањето внатре во сопствените граници или да се игнорира значењето на еколошките прашања на меѓународната сцена.