Породилно отсуство во Република Македонија (ставови на младите)

Abstract

Породилното отсуство е секогаш актуелно прашање. Чести се анализите во јавноста за потребите од зголемување на времетрањето, еднаквите можности за неговото искористување, неговото влијание врз целокупната грижа за детето, исплаќањето/неисплаќањето на надоместокот од плата, итн. Искуствата во светот покажуваат голем дисперзитет по ова прашање. Од породилно отсуство кое трае неколку недели, до отсуство за грижа на дете кое може да трае и неколку години. Исто така, сѐ поактуелно е прашањето за користењето на породилното отсуство од страна на татковците. Овој труд претставува анализа на законската определба на породилното отсуство во Република Македонија и актуелната состојба во однос на неговото искористување и, воедно, е направена компаративна анализа со другите земји во Европа и пошироко. За потребите на овој труд е спроведена и квантитативна анализа со цел да се испитаат ставовите на младите луѓе во Република Македонија поврзани со прашањето за породилното отсуство, особено со оглед на тоа што токму тие треба да создаваат семејство и да креираат потомство.