Геополитичка анализа на сириската граѓанска војна

Abstract

Дури по долгогодишните конфликти во Блискиот Исток, долготрајното трагично крвопролевање во Сирија, за секој објективен набљудувач претставува еден јасен поглед на воената состојба во таа земја кое денес стана кристално јасно за конфликтот во Сирија кој нема започнато како граѓанска војна, како што на почетокот изгледаше за мнозинството, или како што многумина пропагандни медиуми имаа желба да го претстават во однос на интервенционистичките интереси на водечките западни земји и нивните заливски сојузници. Според тоа, земајќи предвид значајноста и комплексноста не само на самата ситуација во која се наоѓа Сирија и регионот, туку и значителната тематика на истражување и студирање, подолу имплементираниот труд ќе го разгледа и емпириски анализира конфликтот во Сирија од геополитичка стратешка гледна точка. Сирискиот конфликт и покрај тоа што многумина го карактеризираат преку повеќето елементи од идеолошка, етничка, верска или пак, секташка гледна точка, не може да се редуцира само во една симплифицирана димензија на црно-бело платно. Етничките, верските и регионални елементи на овој конфликт, се всушност пред се од секундарен карактер. Во тие рамки, значајните обележја и наводните фактори на самата војна, ќе послужат како ефективни мерни интрументи за интервенционистичката геиполитичка политика насочена кон насилна промена на режимот во Дамаск кој го заговараат западните сили. Овие земји всушност, поради нивното вешто користење на демографската слика на Сирија, како оправдание, полесно ги остваруваат своите однапред реализирани економски, политички и геополитички цели во Сирија. Поради кое ја истакнува значајноста за ефективно познавање на денешната геополитичка состојба на сирискиот конфликт.