Основањето на биоетиката како етика применета на прашањата поврзани со живото(т)

Abstract

Применетата етика, за разлика од, но и комплементарно со, нормативната етика и мета-етиката, се однесува на морални прашања, одлучување и однесување во конкретни случаи од човековиот живот. Со плуриперспективен и мултидисциплинарен пристап, биоетиката се применува на прашања поврзани со живото(т), нудејќи етички решенија за проблеми што се дел од биомедицината, науката, технологијата, правото, јавното здравје, политиката. Во текстот е дадена скица на биоетиката како интегративна позадина на моралното одлучување и однесување во врска со (био)науките, и кратко се опишани карактеристиките на американската, Потеријанска биоетика и постарата, европска биоетика. Така, кусо разгледани се почетоците на европската, метафизичка биоетика на Фриц Јар.