Тимската работа и ефективноста на работните организации

Abstract

Менаџирањето со човечките ресурси е сложена и пред сe, предизвикувачка работа бидејќи секоја личност е посебна индивидуа. Човечките ресурси претставуваат темел на секоја компанија, па така успехот и вештините на менаџерот се согледуваат во тоа колку неговиот тим е компактен и функционален. Затоа е примарно, менаџментот да има способност за добра селекција на компетентни, талентирани вработени кои со негова организација ќе допринесуваат кон продуктивност на компанијата. Искуството и практиката покажале дека тимската работа придонесува за намалување на хиерархиските односи во компанијата, афирмирање на улогите, знаењето и професионалноста на поединецот и неговата работа, создавање на добра работна клима и повисок степен на соработка меѓу вработените. Во рамките на тимовите како организациски облици извршувањето на работните задачи обезбедува позитивна синергија, ефект на заедничко работење и на тој начин пораст на организациските перформанси на компанијата, како што се продуктивност и ефективност. Истражувајќи ја актуелната проблематика, во однос на тоа дали постојат разлики во ставовите на вработените и менаџерите во компанијата, во поглед на тимското работење од аспект на квалитетот на тимското работење, комуникацијата, конкурентската предност итн., добиени се резултати, што укажуваат дека во тимската работа во работните организации во Р.Македонија, воглавно постои успешен степен на менаџмент во рамките на тимовите со човечките ресурси и ефективност во тимското работење. Истражувањето за тимската работа и ефективноста на работните организации, создава простор за превземање на акти од страна на организациите да го земат во предвид ова истражување и да посветат внимание на малите разлики кои постојат помеѓу ставовите помеѓу менаџерите и вработените кои се однесуваат на нивоата за оценување на одредени ситуации при работењето кои треба да се дополнат и воедначат помеѓу вработените и менаџерите.