ACE/ARB INHIBITORS, COVID-19 AND FALSE NEWS

Abstract

Светската човечка цивилизација се наоѓа пред здравствен и социо-економски амбис предизвикан од Ковид-19 вирусната глобална пандемија. Исправени сме пред најголем цивилизациски предизвик со кој се соочува човештвото од времето после втората светска војна. Како и при секоја криза и во овој случај постојат бројни лажни вести кои го дезинформираат населението. Во тој контекст постои дилема за користењето на лековите од групите на ангиотензин конвертирачкиот ензим инхибиторите (АКЕ) и ангиотензин рецептор блокаторите (АРБ) во редовната терапија на пациентите со Ковид-19. Постојат лажни информации за влијанието на оваа група на лекови кои преку инхибиција на АКЕ-2 рецепторот наводно го олеснуваат влезот на Ковид-19 вирусот во организмот. Овие лажни вести може да доведат и до смртен исход кај овие пациенти. Со овој труд се врши анализа на досегашните медицински студии и истражувања за влијанието на АКЕ/АРБ лековите кај пациентите со Ковид-19. Заклучок: Медицинските анализи покажаа дека нема негативно влијание на АКЕ/АРБ инхибиторите врз пациентите со Ковид-19. Пациентите треба да продолжат со најредовна употреба на АКЕ/АРБ лековите во својата терапија.