ХОРИЗОНТАЛНА СИГНАЛИЗАЦИЈА, ОСНОВНИ ЕЛЕМЕНТИ НА ВИДЛИВОСТА И ЕВАЛУАЦИЈА НА ИСТАТА ВО ПОГЛЕД НА МАТЕРИЈАЛИ И НАЧИН НА ВГРАДУВАЊЕ

Abstract

Хоризонтална сигнализација кај патиштата од аспект на сообраќајна потреба, претставува безбедносна и регулативна мерка, како за сообраќајните текови, така и за сообраќајниот систем во целина.Задачата на хоризонтална сигнализација е на сите учесници во сообраќајот да им ги укаже и предочи габаритите, намената и простирањето на сообраќајните површини во сите временски услови и воедно да овозможи безбеден проток на возилата, како и сигурно и удобно чувство на возачот. Хоризонтална сигнализација во светот и кај нас се изведува од најразлични материјали меѓутоа секогаш како комбинација од две компонентни целини и тоа: 1. ”Носач” како главен носител на визуелна ефективност и 2. Дополнителни елементи во “носачот”(перла и елементи за зголемување на триењето). Во овој труд хоризонталната сигнализација ќе биде квалитативно и квантитативно разгледана од аспект на: материјалите, начините на вградување и нивната евалуација во поглед на безбедноста, видливоста, трајноста и економичноста на истите, од аспект на ретрорефлексија и во услови на намалена видливост.