ОКУЛТНА МАКУЛАРНА ДИСТРОФИЈА

Abstract

Окултна макуларна дитрофија e хередитарно заболување, чија клиничка слика се карактеризира со прогресивенпад на видната острина, иако на офталмоскопското иследување на очното дно и флуоресцеинската ангиографија не се забележуваат промени. Заболувањето во однос на возраста има широк дијапазон на појавување. Окултната макуларна дистрофија (OMD) е заболување која ја афектира функцијата на макулта, кај која нема евидентни и суспектни промени на очното дно, што би требало да ги алармира матичните офталмолози во потрага за заболувањето, чија дијагностика е единствено можна само со софистицирани дијагностички методи. Како супериорна метода се истакнува SD OCT (Spectral domain- optical coherence tomography - оптичка кохерентна томографија спектрал домен), каде постојат карактеристични знаци, лоцирани во надворешниот дел на рецепторните клетки на ретината и екстерната лимитна мембрана. Клиничката манифестација на ова ретко заболување претставува дијагностички предизвик за еден офталмолог, но она што е од поголемо значење освен утврдување на состојбата и академските постигнувања, се импликациите кои произлегуваат во однос на социјалниот живот и статусот на засегнатите лица. Тоа ја наметнува потребата за експлицитна презентација и запознавање со OMD и посовремените дијагностички процедури. Од особено значење е нејзиното навремено дијагностицирање и превземање на мерки за генетски иследувања во фамилијата и нивно информирање за типот на болеста. Исто така би требало да се размислува и во правец за воведување на генетски скрининг на ова заболување.