Квалитет на односот меѓу браќа и сестри кај семејства што имаат дете со аутизам

Abstract

Вовед: Доколку во семејството постои дете со аутизам, можат да се јават импликации во целото семејство и во неговото функционирање, а воедно и во односот помеѓу браќата и сестрите. Методoлогија: Истражувајќи и правејќи споредба на квалитетот на од- носот меѓу браќата и сестрите во семејства со дете со аутизам и квалитетот на односот во семејства кај кои нема дете со аутизам, опфативме примерок од 132 испитаника. Податоците беа обработени со стандарден статистички програм SPSS за Windows, применувајќи ги Mann-Whitney U и Wilcoxon test. За статистич- ки значајна разлика меѓу групите се смета таа со ниво на значајност од p < 0,05. Резултати: Во однос на позитивните карактеристики на квалитетот на односот помеѓу браќа и сестри, варијаблата сличност на интереси е повисока кај контролната група при (M=27,72 SD=7,68) и (M=19,15 SD= 4,48), (p<0,01). Во однос на негативните карактеристики, нивото на принуда е пониско кај испитуваната група (M=10,10, SD=1,58) и (M=12,34 SD=2,28), (p<0,01). Кај оче- куваните и перципираните позитивни карактеристики од страна на родителите, варијаблата блискост е повисока кај контролната група (M = 48,45, SD = 5,93) и (M = 42,56, SD = 7,89), (p<0,01), додека при очекуваните и перцeпираните негативни карактеристики од страна на родителите, нивото на перципирано соперништво е пониско кај родители од испитуваната група (M = 5,54, SD = 2,45) и (M=7,15 SD=2,12), (p < 0,01). Заклучок: Постојат одредени разлики во квалитетот на односот помеѓу браќата и сестрите во зависност од тоа дали се работи за семејство од испитувана или контролна група, но тие разлики не мора нужно да се со негативна конотација.