СПОНТАН БАКТЕРИСКИ ПЕРИТОНИТИС КАЈ ПАЦИЕНТИ СО ЦРНОДРОБНА ЦИРОЗА И АСЦИТ: ДИЈАГНОСТИЧКИ И ТЕРАПИСКИ ПРЕДИЗВИК - ПРЕГЛЕД ОД ЛИТЕРАТУРАТА

Abstract

Спонтаниот бактериски перитонитис (СБП) кај пациентите со црнодробна цироза (ЦЦ) е новонастаната, спонтана бактериска инфекција на стерилна асцитна течност, во отсуство на интраабдоминални извори на инфекција или малигнитет. Целта на овој преглед од литературата е да се презентираат најновите дијагностичките и терапевстките пристапи кај пациентите со спонтан бактериски перитонитис. Најсензитивен показател за поставување на дијагнозата е бројот на полиморфонуклеарни клетки (ПМНК) е ≥250 во 1 mL асцитна течност и/или доколку во микробиолошката култура биде изолиран еден бактериски вид. Со емпириската антибиотска интравенозна (и.в.) терапија мора да се започне веднаш по поставување на дијагнозата, а видот на терапијата ќе зависи од профилот на болничките (назокомијални) и вонболничките здобиени (комунитивни) инфекции, бактериската резистентност и тежината на инфекцијата.