CASE REPORT: ЕКСТРАМАМАРНА PAGET-ОВА БОЛЕСТ НА ВУЛВА

Abstract

Paget-овата болест на вулва е ретка малигна епителна неоплазма која најчесто се јавува кај жени во постменопауза (1). Карактеристична е со клиничка слика која често личи на бенигни дерматолошки заболувања, што резултира со одложена дијагноза и третман. Во овој труд е прикажан случај на 66-годишна пациентка со рекурентна екстрамамарна Paget-ова болест на вулвата, со прецизна хронолошка евиденција на дијагностичките и терапевтските постапки, вклучително биопсија, МР дијагностика, радиографија и ултрасонографија. Исто така, опфатен е и онколошкиот мултидисциплинарен пристап во терапијата, кој ја истакнува важноста на хируршката ексцизија и хистопатолошката анализа во потврдувањето и следењето на болеста. Целта на трудот е да се нагласи значењето на раното препознавање, навремената дијагностика и соодветниот третман.