Симулационен модел за анализа на дво-акумулационен систем

Abstract

Клучoт за успех на секое развиено општество е одржувањето и планското користење на водата како природно богатство и ресурс. Оттука од големо значење е формирањето стратегии преку кои на одржлив и оптимален начин ќе се користи водата за постигнување на целите за економски развој, а воедно ќе се води и грижа за зачувување и заштита на самиот ресурс. Во предметниот реферат е анализирана стратегија за користење на водата како природен ресурс преку анализа на случајот на ХС „Липково“, во близина на општина Куманово, РС Македонија, каде што водата е наменета за задоволување на потребите за водоснабдување и за наводнување, а при тоа се запазува и еколошкиот аспект, т.е. испуштање на еколошко загарантирано протекување во водотекот за зачувување на биолошкиот екосистем. Најважен аспект кај ХС „Липково“ е изнаоѓање оперативна политика на управување за да се задоволат потребите за вода на секој водокорисник.