Применa на 3D-Plan-View модел за филтрациона анализа на дисконтинуиран дренажен систем кај брани на нестеновити основи

Abstract

При истражување на филтрацијата во нестеновити основи кај браните најчесто задоволителни резултати се добиваат со 2Д анализи. Меѓутоа, доколку се истражува варијанта на дисконтинуиран дренажен систем, составен од вертикални бунари кои не се преклопуваат, тогаш клучен параметар е оскиното растојание помеѓу бунарите. За определување на ова растојание е неопходен 3Д модел. Филтрационата анализа на дисконтинуиран дренажен систем со 3Д модел мора да е за исти гранични еквипотенцијални услови и ниво на вода во приемниот дел на дренажата како и анализата со 2Д модел, која се применува за континуиран дренажен систем. 2Д анализата е неопходна за калибрирање на апроксимативен 3Д модел (Plan View), но и да може да се споредуваат добиените резултати за различните алтернативни решенија за дренажниот систем. Методологијата со примена на Plan View модел е илустрирана со анализите на филтрацијата за избор на оптимално решение за санација на неповолните појави кај браната „Лисиче“, Велес.