Симулационен модел за анализа на хидроенергетскиот систем на Црна Река за алтернатива со две пумпноакумулациони хидроцентрал

Abstract

Со Водостопанската основа на Република Македонија од 1973 година по течението на Црна Река, во нејзиниот долен тек, е предвидена изградба на три големи брани со акумулации: Чебрен, Галиште и Тиквеш – како најнизводна акумулација. Кај сите три хидросистеми, хидроенергетиката е во фокусот на водостопанските планирања. Од нив, денес е изградена браната Тиквеш со акумулација која примарно ги задоволува потребите за наводнување на Тиквешко Поле, а во склоп на системот функционира и прибранската хидроцентрала ХЕЦ Тиквеш. Чебрен и Галиште сѐ уште се предмет на инженерска расправа и нивната реализација е во исчекување. Во овој реферат се приложени резултати од анализа со симулационен модел на хидросистемот на Црна Река со две пумпноакумулациони хидроцентрали – Чебрен и Галиште, и Тиквеш, со постојните конвенционални турбини. Производството на електрична енергија е ставено во главен фокус во анализите. Симулационите модели се изработени со помош на софтверскиот пакет HEC ResSim 3.1.