Некои прашања поврзани со стекнувањето на наследството во римското право

Abstract

Основниот интерес на овој труд се состои во разработката на неколку правни институти кои можат да се појават при реализацијата на субјективните наследни права. Имено, римското право, судејќи според примарните извори, ни дава јасна слика за неколку правни ситуации кои потенцијално се појавуваат пред конечниот пренос на наследните права од оставителот на наследникот. Со оглед на фактот што романистиката почесто се занимава со основите за наследување, наследните редови, тестаментите или нужното наследување, авторите на овој труд ценат дека должно внимание треба да се посвети и на овие поретко третирани наследно-правни институти. Од тие причини, во оваа прилика ќе биде дадена анализа на: transmissio delationis, ius accrescendi collatio bonorum, aditio bonorum, beneficium abstinendi, beneficium inventarii и beneficium separationis, низ која ќе може да се види местото и значењето на наведените институти гледани низ призмата на постапката за стекнување на наследството и евентуалните последици што во одделни постапки би можеле да ги предизвикаат. 􏰖􏰗􏰒 􏰑􏰘􏰙􏰚􏰙􏰛􏰒􏰌