Примена на 5Е методот во наставата по природни науки: DiSSI активности за гасови

Abstract

Во рамки на проектот „Разновидноста во природните науки низ социјална инклузија – неформално образование по природни науки и ученичка разноликост“ (DiSSI) осмислени се експерименти и активности со примена на 5Е моделот. Овие експерименти се однесуваат на гасовите и некои нивни карактеристики. Со оглед на тоа што темата за агрегатни состојби на материјата е присутна во наставните програми по природни науки на сите нивоа на образование, активностите за гасови презентирани во овој труд може да се вклучат при реализација на голем број наставни единици. Опишани се неколку демонстрации за начини на собирање на гасовите (полесни и потешки од воздухот; растворливи и нерастворливи во вода). Понудени се експерименти за: (1) дифузија (азот диоксид, водород и воздух); (2) густина (хелиум, воздух и сулфур хексафлуорид); (3) дувачки инструменти со различни гасови; (4) имплозија на лименка; (5) гас што не поддржува горење; (6) гас што поддржува горење. Гасовите се земаат или од челични контејнери, или се подготвуваат на наједноставниот можен начин (користејќи лесно достапни хемикалии).