Принципот на пропорционалност во меѓународното хуманитарно право и Операцијата „Заштитена граница“

Abstract

Израелско-палестинскиот конфликт е повторно во центарот на светските случувања. Лансирањето на Операцијата „Заштитена граница“ од Израел во појасот Газа отвори многу полемики и обвинувања во врска со почитувањето на меѓународното хуманитарно право при нејзиното изведување. Едно од обвинувањата е и тоа дека при операцијата не е почитуван принципот на пропорционалност во меѓународното хуманитарно право – дека во голем број случаи, колатералната штета која настанала од нападите е несразмерна со воената предност која е стекната со истите. Во овој труд се разгледува токму принципот на пропорционалност од теоретски аспект, но и неговото (не)почитување во Операцијата „Заштитена граница“.