Доречување за Антевото и антевското пеење и мислење со нови исчитувања

Abstract

Трудот претставува критички осврт кон зборникот на трудови „Антево дело“ (Скопје: Каламус, 2022) во кој се објавени трудовите од Меѓународниот научен симпозиум одржан во септември 2021 година, во рамките на Меѓународната поетско-културна манифестација „Анте Поповски – Антево перо“, по повод 90-годишнината од раѓањето на академик Анте Поповски. Преку осврнување кон одделните текстови од зборникот, во трудот се апострофираат прашања за дорастајнување и доисчитување на опусот на великиот македонски автор, при што се воспоставуваат синтези меѓу најновите научни согледувања и сегменти од творештвото на Поповски, излегувајќи и надвор од теренот на поезијата. Трудот препознава во зборникот појдовна точка за натамошни темелни осврнувања кон делото на Анте Поповски, укажувајќи на потребата од сеопфатно вреднување на опусот на овој знаменит автор на македонскиот XX век.