Честите грешки на студентите на испитот по Современ германски јазик 3 и 4

Abstract

За анализа на истражувањето се ексцерпирани прашања од тестови по предметот Современ германски јазик 3 и 4 во временскиот период од јануари 2020 до септември 2022 година, на примерок од вкупно 60 студенти во сите испитни сесии на Катедрата за германски јазик и книжевност од прва и втора година (јазично рамниште Б2) на Филолошкиот факултет „Блаже Конески“ во Скопје. Целта на анализата беше да се утврдат најчестите грешки при усвојувањето на германскиот јазик и грешките кои се повторуваат и предизвикуваат проблеми при стекнувањето компетенции предвидени со програмата за предметот на морфосинтаксичко и лексичко-семантичко ниво. Анализата не навлегува детално во причините за грешките бидејќи тие можат да бидат од најразлична природа: неусвоен материјал, негативен трансфер, стрес, замор, а често е тешко да се објаснат или да се категоризираат.