ИСКУСТВА ПРИ ИЗВЕДБА НА ОПТОЧНИ ТУНЕЛИ КАЈ БРАНИ СО АКУМУЛАЦИЈА

Abstract

За изведба на секој објект, треба да се изработи проектна документација на ниво на Oсновен проект, врз основа на која се добива одобрение за градење на објектот. Понатаму, таа проектна документација е подлога за изградба на објектот. Изградбата, односно изведувањето на работите на градилиште за секој објект е согласно проектната документација, за која е добиено одобрение за градење. Понекогаш има потреба од промена на Oсновниот проект, кој е подлога на изведбата, не само на грубите градежни работи, туку на сите останати работи за изведба на објектот. Промените во проектот мора да се со дозвола од органот кој е задолжен за негова реализација. Во овој труд, главно се разработени хидротехничките тунели. Разледувано е тек на изведба на два хидротехнички тунели од брани со акумулација, кои сеуште се во тек на изведбeна состојба во Р.С.Македонија. Како главна цел која се анализира и споредува во овој труд се измените кои настануваат за време на изведба на овие објекти, за разлика од проектната документација која е изработена за објектите. Промените може да настанат заради непредвидени работи, заради полесна и подобра изведба или пак за подобрување на конструкцијата, во зависнот од тоа како е изработено во фаза на проектирање. Промените може да настанат и заради различни прописи, не секогаш веднаш по проектирање се изведува објектот. Со овие анализи се очекува да придонесат во минимизирање на разликите, пред се во цената и дополнителните средства, потребни за позиции, кои не се предвидени при проектирањето. Целта на овој труд е, со анализа на веќе изведени опточни тунели кај брани и појава на непредвидени работи на терен при изведба на истите, да се види дали, и какви работи може да се предвидат уште во тек на изработка на основниот проект. Со цел да бидеме што е можно поблиску до реалното изведување на проектите.