ДИЈАГНОСТИЧКИ ПЕРФОРМАНСИ НА ТЕСТОТ ЗА СЛОБОДНИ ЛЕСНИ ЛАНЦИ ВО СЕРУМ-SFLC ПРИ ИНИЦИЈАЛНА ДИЈАГНОЗА НА МУЛТИПЕН МИЕЛОМ

Abstract

Вовед: Мултипниот миелом е клонално плазма-клеточно нарушување што се карактеризира со плазмоцитоза и продукција на абнормален моноклонален имуноглобулин. Со тестот за одредување на серумските слободни лесни ланци-sFLCсе надополнуваат електрофоретските постапки како што се електрофореза или имунофиксациска електрофореза при детекција на М-протеинот. Цели: Да се проценат дијагностичките карактеристики на sFLCтестот во нашата рутинска клиничка лабораториска пракса кај пациенти со првична дијагноза за мултипен миелом. Материјал и методи: Изведена е студија на пресек (cross sectional study / студија на преваленца) со проспективен пристап, што е спроведена во периодот од 15.08.2022 до 15.05.2023 година. Испитуваната група ја сочинуваат новодијагностицирани болни со мултипен миелом кај кои не е отпочнато лекување. Контролната група се здрави испитаници. Резултати: При преваленцата на мултипен миелом од 45,16% (27,32% - 63,97%) утврдена е сензитивност од 85,71% (57,19% - 98,22%), специфичност од 100% (80,49% – 100,00%). PPV изнесува 100,00% (73,54% - 100,00%), NPV 89,47% (66,86% - 98,70%). Глобалната точност на sFLC RATIO при дијагноза за мултипен миелом изнесува 93,55% (78,58%-99,21%). Заклучок: Од резултатите на нашето истражување можеме да заклучиме дека sFLC RATIO е сензитивен и специфичен маркер за мултипен миелом.