СЕНТИМЕНТАЛНА АНАЛИЗА НА ТВИТЕР-ПОДАТОЦИ ЗА ВРЕМЕ НА ПАНДЕМИJАТА НА КОВИД-19 ВО РЕПУБЛИКА МАКЕДОНИJА ВО СПОРЕДБА СО СВЕТОТ

Abstract

Ниеден настан во последните неколку децении не ги потресе луѓето на глобално ниво како пандемиjата од ковид-19 коjа зема замав од почетокот на 2020 година. Првпат во историjата на човештвото голем броj држави беа ставени под карантин како резултат од зголемениот броj заболени лица и неможноста на здравствените системи да ја совладаат пандемиjата со ваков размер. Од друга страна, масивните ограничувања на економиjата може да имаат исто толку здравствени последици како и самиот вирус – милиони луѓе може да ги загубат своите работни места и приходи, да станат депресивни, да се зголеми употребата на наркотични средства како цигари, алкохол, дрога, поради страв да се одложуваат посетите на лекарите и во болниците, особено за луѓето со хронични и сериозни медицински состоjби кои не се поврзани со вирусот. [1] Во овоj труд се истражуваат токму состоjбата и мислењето на луѓето во овоj период на пандемиjата, анализираjќи ги податоците од Твитер-платформата, преку користењето на методите за рударење на мислење, или повеќе познато како сентиментална анализа. Дополнително, направена е споредба на мислењето каj локалното население, со глобалните мислења и ставови.