Duan ретракциски синдром кај близнаци - приказ на случај

Abstract

Duane ретракциски синдром е вродено ограничување на хоризонталното движење (мотилитет) на окото и ретракција на очното јаболко, и намалување на палпебралниот отвор при поглед во аддукција. Иследувањето на овој редок ретракциски синдром кај близнаци е од голема важност, особено за одредување на влијанието на генетиката и наследноста на овој синдром. Цел: приказ на Duanе ретракциски синдром кај еднојајчани близнаци од женски пол. Приказ на случај: И двете близначиња имаат проблем со движење на очниот булбус во хоризионтален меридијан, но кај едното имаше ограничена абдукција на десното око и ретракција на левиот очен булбус кој е во аддукција и се забележува намалување на палпебралната фисура. Кај другото девојче - близнак е обратно-ограничена абдукцијата на левиот очен булбус и на ретракцијата и намалувањето на палпебралната фисура на десниот очен булбус кој е во аддукција. Направена е циклоплегична скијаскопија и најдена е мала рефракциска корекција кај сите 4 очи од (+1,5 D sph до +2,0 D sph). Направен е преглед на заден сегмент и не се најдени органски промени на фундусот кај близнаците.