Македонското прашање од Версај 1919 до АСНОМ 1944 година

Abstract

Кога пишуваме на тематиката поврзана со Македонското прашање, без оглед дали ќе започнеме од генезата на неговото настанување или ќе се фокусираме врз одреден сегмент од неговиот развој, несомнено е дека мораме да ги земеме предвид сите аспекти кои се недвојбено поврзани со неговото откривање. Велам откривање, а не преродување, бидејќи усната традиција и фолклорот ни даваат за право да констатираме дека тоа не беше вештачки конципирано во ерата на „болниот од Босфорот“, туку напротив – тоа суштински го поседува жарот на милениумското тлеење и континуираното воскликнување и тоа во најнеочекуваните моменти од историското вретено. Од таа причина, земено од денешен аспект, претставува навистина голема задача да се пишува на оваа тема, која, за жал, станува суптилно забранета и да се мисли на неа. Токкму оттука, од таа појдовна точка, верувам дека секој што суштински поседува широка љубопитност да проучува и да распознава, ќе ја пронајде оваа тематика како мошне привлечна за истражување.