Македонското револуционерно движење од создавањето на македонската револуционерна организација до почетокот на Втората светска војна

Abstract

Решавањето на македонското прашање во периодот помеѓу двете светски војни беше условено од сложеноста на воспоставениот систем на меѓународните односи кои произлегоа како резултат на решенијата во Версај 1919 година. Особено сметаме дека периодот помеѓу двете светски војни претставува еден од најтешките периоди од поновата историја на македонскиот народ. Силниот асимилаторски стремеж на балканските држави, денационализаторскиот однос и претопувањето на македонскиот народ во државните обличја на државите делителки на македонското етничко ткиво, го бранува и во денешно време прашањето за карактерот на сложената динамика на меѓународните односи во периодот помеѓу двете светски војни. Од тие причини, сметаме дека е значајно да се обрне внимание на влијанието на македонските емигрантски организации во респективниот период на нашето истражување со цел да се добие појасна слика за карактерот и за условите во кои се одвиваше борбата за дефинирање на македонскиот национален идентитет и за создавањето на македонска држава.