Видови еквивалентност помеѓу компаративните фразеологизми во германскиот, српскиот и македонскиот јазик

Abstract

Предмет на овој научен труд е анализата на германските фразеологизми и нивните македонски еквиваленти според видовите еквивалентност на Коронен и анализите на Бремер при контрастирање на фразеологизмите во германскиот и српскиот јазик. Примарен фокус е утврдувањето релации помеѓу истражувањата на Бремер, неговите резултати добиени од анализираниот германско-српски корпус и компаративните фразеологизми што се јавуваат како еквиваленти во македонскиот јазик. Анализата опфаќа три вида еквивалентност според Коронен: моноеквивалентност, полиеквивалентност и нулова еквивалентност и дополнителна класификација на потврдите според Бремер на делумна и целосна разлика во рамките на моно- и полиеквивалентноста на значенско рамниште.